स्वरभास्कराच्या काही भावमुद्रा!

५५ व्या सवाई गंधर्व महोत्सवातील ही एक भावमुद्रा.

स्वरभास्कर पंडित भीमसेन जोशी ह्यांच्या गाण्याचा मी एक निस्सीम चाहता आहे. त्यांच्या सारखेच आपल्याला गाता यावे अशी लहानपणापासूनच तीव्र इच्छा होती पण तो योग ह्या जन्मी तरी नव्हता हेच खरे. तरीही मी त्यांना माझे मानसगुरु मानतो. एकलव्यासारखे त्यांचे गायन आजवर ऐकत आलोय. भीमसेनजी जरी गुरु द्रोणाचार्यांइतकेच त्यांच्या स्वतःच्या गायनाच्या क्षेत्रात महान असले तरी मी मात्र एकलव्याइतका प्रतिभावान नसल्यामुळे त्यांचे गाणे माझ्या गळ्यात उतरवू शकलो नाही ही एक वस्तुस्थिती आहे आणि म्हणूनच त्याची खंतही आहे. असो. मूळ विषय हा नाही.
मला आवडलेल्या काही भीमसेनजींच्या भावमुद्रा महाजालावर भटकताना हाती लागल्या आणि मोठाच खजिना सापडल्याचा आनंद झाला. त्या आनंदात आपल्यालाही सामील करून घ्यावे असे वाटले म्हणून हा प्रपंच.
तेव्हा महाजालावरील त्या सर्व संबंधितांचे(ज्यांनी ही छायाचित्रे इथे चढवलेली आहेत) त्याबद्दल मनापासून आभार.

गानसमाधीत मग्न!


तंबोरा जुळवण्यात मग्न




मैफिलीची तयारी



मैफिलीआधी चिंतनात मग्न!