रवि बिंब चालले अस्ताचली

चंद्र लाजुनी ढगाआड दडला

चंचलता तू सोड मना रे

असा कसा तू

पाहुनी रंगरूप ढगांचे

गणेश प्रार्थना

मनातले मनातच राहून गेले

होरी

निघालो आता

कळले का

सदैव छेडती सूर मजला

लाजुनी हासू नकोस तू

कसाबसा दिवस सरतो

हृदय हरवले

मना धीर धरी

गणपती गजानना!

एक छोटीशी कविता...अशीच काही अक्षरं जोडून केलेली.  :)
 मी आधी जी रचना केली होती ती अशी होती...

गजानना, गजानना
स्वीकारावी अमुची वंदना

मोरेश्वरा गौरीकुमरा
आम्हावरी सदैव कृपा करा





त्यानंतर मला ह्याच गीताला गुजराती पद्धतीने चाल  लावाविशी वाटली म्हणून थोडा बदल करून काही ओळीही मी त्यात वाढवल्या.


गणपती, गजानना,
हेरंबा, भालचंद्रा
स्वीकारावी आमुची वंदना

गिरिजाकुमरा, मोरेश्वरा
गणनाथा, सिद्धेश्वरा
आम्हावरी सदैव कृपा करा


थोडीशी गुजराती भजनाच्या धाटणीची अशी ही चाल तयार करण्यासाठी  खरे तर गुजराती पद्धतीचा ढोल मला हवा होता...पण त्याऐवजी जालावर ’पुणे ढोल’ मिळाला...त्यामुळे ही चाल ऐकतांना मराठी आणि  गुजराती...अशा दोन्हींचा मिलाफ त्यात आढळून येईल असे मला वाटते.

इथे चाल ऐका....आणि जमल्यास प्रतिक्रियाही नोंदवा.

पाऊस म्हणाला...

पाऊस सुरु होऊन काही तास उलटले तरी अजूनही एकही पावसावरची कविता कशी आली नाही ह्याचे आश्चर्य वाटतंय...मग म्हटले आपणच  करून टाकूया एखादी कविता...हं तर, वाचा...

पाऊस म्हणाला, येऊ का रे
मी म्हणालो, बिनधास्त ये रे

तो म्हणाला, भिजशील तू
आणि आजारीही पडशील तू

मी म्हणालो, हरकत नाही,
आपण पहिल्यांदा भेटण्याची
गंमत काही औरच असते, नाही!

पावसाचे गाणे

ही कविता मी चक्क पाडलेय...आपल्याला का नाही जमत बरं कविता? असा विचार करत करत शब्द एका पाठोपाठ मांडत गेलो,पुसत गेलो,पुन्हा मांडत गेलो आणि त्यानंतर जे काही तयार झालं ते आपल्या पुढे ठेवलंय. आता तुम्हीच ठरवा की ह्याला कविता म्हणायच की नाही ते.

चारोळी

आज सकाळी व्यायामशाळेतून येतांना अचानक...काहीही ध्यानी-मनी नसतांना मला ही चारोळी स्फुरली.

ती वळवाच्या सरीसारखी अचानक येते ।
खुलवते वातावरण स्नेहार्द्र नजरेतून ।
बरसते अखंड बडबडीतून आणि ।
आली तशीच, अचानक निघून जाते ।।

दिवाळीचा सण!

मित्रहो,पुन्हा एकदा शब्दांची जुळवाजुळव करून अट्टाहासाने एक कविता केलेय आणि ते कमी म्हणून की काय तिला चालही लावलेय. तेव्हा कविता वाचा आणि ऐका बरं का!

आला दिवाळीचा सण आला
हासू नाचू खेळू चला॥धृ.॥

अंगणात काढा रांगोळी
पणती उजळेल दिवाळी ।
आकाशकंदील चढवू चला
फराळ मिळूनी करू चला ॥

इथे चाल ऐका.